Страница 1 из 2 12 ПоследняяПоследняя
Показано с 1 по 10 из 14

Тема: Azərbaycanin elm və təhsil ocaqlari

  1. #1
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts

    Azərbaycanin elm və təhsil ocaqlari

    BAKI DÖVLƏT UNIVERSİTETİ.


    Azərbaycanın ilk ali təhsil müəssisəsi olan Bakı Dövlət Universiteti 1919-cu ildə yaradılıb. Bakı Dövlət Universiteti Avrasiya Universitetlər Assosiasiyasının üzvüdür. Bu elm və tədris müəssisəsində 1300 nəfər professor-müəllim heyəti, o cümlədən 250 nəfər elmlər doktoru, professor, 760 nəfər elmlər namizədi, dosent fəaliyyət göstərir.
    Hal-hazırda Bakı Dövlət Universitetində 140 mindən çox tələbə təhsil alır. Bakı Dövlət Universitetində 12 ölkədən 400-dən artıq xarici tələbə, magistrant, aspirant, doktorant, stajor təhsil alır.
    Universitetdə bakalavr hazırlığı üçün 4 il, magistr hazırlığı üçün 2 il, elmlər namizədi və elmlər doktoru hazırlığı üçün 3-4 il vaxt norması nəzərdə tutulmuşdur. Təhsil ödənişli və ödənişsiz əsaslardadı. Burada əyani və qiyabi şöbələr fəaliyyət göstərir.
    Universitetin tərkibində 2,5 milyondan çox kitab fondu olan elmi kitabxana, çap avadanlıqları olan nəşriyyat, 6 muzey, 80 elmi-tədqiqat və tədris laboratoriyası, informasiya və tərcümə mərkəzi, idman - sağlamlıq kompleksi, poliklinika fəaliyyət göstərir. Burada həmçinin yataqxana və tələbə şəhərciyi var.
    BDU-nun tanınmış məzunları arasında 2003-cü ildə Amerikanın Klivlend şəhərində dünyanı tərk etmiş sabiq prezident Heydər Əliyevin adını çəkmək olar. Vaxtilə Milli Məclisin sabiq spikeri Murtuz Ələkbərov BDU-ya rəhbərlik etmişdir. İndiki təhsil naziri Misir Mərdanov da BDUnun professorudur.
    Universitetin tərkibində 2,5 milyondan çox kitab fondu olan emi kitabxana, Yaponiyada istehsal olunmuş müasir tipli rizoqraf və digər çap avadanlıqları olan nəşriyyat, 6 muzey, informasiya və tərcümə mərkəzi, idman - sağlamlıq kompleksi, hərbi kafedra, poliklinika fəaliyyət göstərir.
    Hazırda Bakı Dövlət Universitetində 12 ölkədən 400-dən artıq xarici tələbə, magistrant, aspirant, doktorant, stajor təhsil alır. Eyni zamanda universitetin 33 tələbə, magistrant və aspirantı ABŞ, Almaniya, Türkiyə, Fransa, Böyük Britaniya və Çin Xalq Respublikasının universitetlərində təhsillərini davam etdirirlər.
    Bakı Dövlət Universiteti Avrasiya Universitetlər Assosiasiyasının üzvüdür. Türkiyə, Fransa, Almaniya, Amerika, Kanada, İsrail və MDB ölkələri ilə əməkdaşlıq edir. Universitetin diplomu dünyanın 50-dən artıq ölkəsində tanınır.
    Universitetin fəxri doktorları arasında Türkiyə, Özbəkistan, Türkmənistan, Qırğızıstan, Gürcüstan prezidentləri - Süleyman Dəmirəl, İslam Kərimov, Saparmurad Niyazov, Askar Akayev, Eduard Şevardnadze, YUNESKO-nun prezidenti Frederiko Mayor, amerikalı doktor Lütfi-zadə, fransalı İren Məlikova, polşalı Tadeuş Svyatoçovski, iranlı doktor Cavad Hey’ət, almaniyalı Əhməd Şmide kimi dünyanın görkəmli siyasi və dövlət xadimləri, məşhur elm və təhsil nümayəndələri vardır.
    Bakı Dövlət Universiteti respublikamızın ictimai-siyasi və elmi-pedaqoji həyatında həmişə fəal rol oynayır. Elə bir ümumdövlət tədbiri yoxdur ki, universitet alimləri, bütövlükdə universitet kollektivi orada fəal iştirak etməsin. Son illərin sosial-iqtisadi çətinliklərini, erməni təcavüzünün məhrumiyyətlərini dəf etmək üçün universitet kollektivi bütün ümumrespublika tədbirlərində fəal iştirak etmiş, qaçqınlara maddi və mə’nəvi köməkliklər göstərmiş, müntəzəm olaraq döyüş bölgələrinə getmişlər. Yurdunu-yuvasını tərk etməyə məcbur olmuş qaçqınlardan üç min nəfəri indiyədək universitetin tələbə şəhərciyində yaşamaqdadır. 300 nəfərdən ibarət qaçqın uşaqlar üçün universitetdə orta məktəb təşkil edilmişdir. Universitetin 30 nəfərdən çox tələbəsi Qarabağ uğrunda döyüşlərdə şəhid olmuşdur.

  2. #2
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    AZƏRBAYCAN DÖVLƏT MƏDƏNIYYƏT VƏ İNCƏSƏNƏT UNIVERSITETI
    [Only registered and activated users can see links. ]

    Azərbaycan Dövlət Mədəniyyət və İncəsənət Universiteti 1945-ci ildə Bakı teatr texnikumunun bazası əsasında yaradılıb Teatr İnstitutu adı ilə fəaliyyət göstərmişdir. İlk tələbə qəbulu teatrşünaslıq, aktyor sənəti və rejissorluq ixtisasları üzrə aparılmışdır. 1954-cü ildə instituta xalq artisti M.Əliyevin adı verilmişdir. 1959-cu ildən burada 'Mədəni maarif», 1963-cü ildə isə 'Dekorativ tətbiqi sənət' ixtisasları üzrə mütəxəssis hazırlığına başlanmışdır. 1968-ci ildə ali məktəb Azərbaycan Dövlət İncəsənət İnstitutuna çevrilmişdir. 1981-1991-ci illərdə burada rəngkarlıq, qrafika, heykəltəraşlıq, sənətşünaslıq ixtisasları, habelə teatr, kino, kulturologiya və bədii sənaye incəsənəti üzrə bir sıra yeni ixtisaslaşmalar açılmışdır.
    1991-ci ildə tədris müəssisəsi Azərbaycan Dövlət İncəsənət Universitetinə, 1993-cü ildə isə Azərbaycan Dövlət Mədəniyyət və İncəsənət Universitetinə çevrilmişdir. 1991-ci ildə universitetin Quba rayonunda filialı yaradılmışdır. Filial Azərbaycanın şimal bölgəsində yüksək ixtisaslı mədəniyyət işçilərinə olan ehtiyacı ödəyir. Filialın müasir tələblərə cavab verən maddi-texniki bazası vardır. 1994-cü ildən universitetin nəzdində aspirantura, 1995-ci ildən isə stajorluq-assistentura fakultəsi fəaliyyət göstərir. Bir neçə ildir ki, universitetdə ixtisasartırma dekanlığı və baza kafedraları təşkil edilmişdir. 1997-ci ildə xarici abituriyentlər üçün hazırlıq şö’bəsi yaradılmışdır.

    Kafedralar
    Aktyor sənəti və dram rejissorluğu;
    Musiqili teatr aktyoru;
    Vokal, musiqi tarixi və nəzəriyyəsi;
    Televiziya rejissorluğu;
    Kino rejissorluğu və operator sənəti;
    Səhnə danışığı;
    Teatr kollektivinin rejissorluğu;
    Kütləvi tədbirlər rejissoru;
    Xalq çalğı alətləri və musiqi fənləri;
    Səhnə hərəkəti və xoreqrafiya;
    Sosial siyasi fənlər;
    Mədəniyyət tarixi və nəzəriyyəsi;
    Tətbiqi kulturologiya;
    Bədən tərbiyəsi və idman;
    Teatrşünaslıq;
    Mədəniyyət və muzey işi;
    Təsviri incəsənət tarixi və nəzəriyyəsi;
    Ədəbiyyat və Azərbaycan dili;
    Xarici dillər;
    Kinoşünaslıq və ekran dramaturgiyası;
    Rəngkarlıq;
    Heykəltəraşlıq;
    Qrafika;
    Rəsm;
    Dekorativ-tətbiqi sənət;
    Dizayn

    İxtisaslar
    Dekorativ tətbiqi incəsənət və xalq sənəti (zərgərlik, sənaye qrafikası, xalçaçılıq, bədii çini və şüşə);
    Dizayn;
    Toxuculuq və yüngül sənaye mallarının bədii layihələndirilməsi;
    Heykəltəraşlıq;
    Qrafika;
    Teatr-dekor sənəti;
    Rəngkarlıq;
    Aktyor sənəti (musiqili teatr, dram-teatrı və kino aktyorluğu);
    Rejissorluq (dram rejissorluğu, televiziya rejissorluğu, bədii kino və televiziya filmləri rejissorluğu);
    Muzey işi, tarix və mədəniyyət abidələrinin mühafizəsi;
    Ədəbi iş və ekran dramaturgiyası;
    Təsviri incəsənət tarixi və nəzəriyyəsi;
    Kinoşünaslıq;
    Teatrşünaslıq;
    Mədəni fəaliyyətin təşkilatçısı;
    Mədəniyyət meneceri;
    Bədii yaradıcılıq (teatr kollektivinin rejissoru, kütləvi bayramlar və tamaşalar rejissoru);
    Solo oxuma;
    İnstrumental ifaçılıq;
    Bədii toxuculuq;
    Kulturologiya;
    Reklam işi üzrə rəssam;
    Miniatür və kalliqrafiya üzrə rəssam;
    Kinooperator sənəti;
    Tətbiqi incəsənət (aşıq sənəti, teatr və konsert işləri üzrə prodüsser, məktəb və məktəbəqədər tədris-tərbiyə müəssisələrində bədii rəhbər);
    Xalq çalğı alətləri orkestrinin rəhbəri; 27. İnteryer üzrə rəssam;
    Xoreqrafiya sənəti.

    Bütün bu ixtisaslar üzrə mütəxəssis hazırlığı ilə 7 fakültə və 26 kafedra məşğul olur. Universitetdə respublikanın görkəmli sənətkarları və alimləri, o cümlədən xalq rəssamları, respublika və beynəlxalq mükafatlar laureatları Mikayıl Abdullayev, Nadir Əbdürrəhmanov, Tokay Məmmədov, Yusif Hüseynov, Böyükağa Mirzəzadə, Kamil Nəcəfzadə, Arif Əzimov, xalq artistlərindən Həsən Turabov, Şəfiqə Məmmədova, Əlabbas Qədirov, Yaşar Nuriyev, Amalya Pənahova, İlham Namiq Kamal, Eldar Quliyev, sənət nəzəriyyəsi üzrə alimlərdən Həsən Quliyev, İlham Rəhimli, Nurəddin Həbibov, İnqilab Kərimov və başqaları dərs deyirlər.

    Universitetdə yaradıcılıq kinostudiyası; «Səda» tədris teatrı; foto-laboratoriya; səsyazma studiyası; kompüter və həsablama mərkəzi; natürmort fondu; professor-müəllim və tələbələrin yaradıcılıq və ifa işləri muzeyi, onun fondu; xalçaçılıq emalatxanası; keramika emalatxanası; tikiş və toxuculuq məmulatları emalatxanası; texniki vəsaitlər kabinəsi; tədris teatrı; xüsusi auditoriyalar; idman klubu; kitabxana; nəşriyyat və s. fəaliyyət göstərir. Az.DMİU-nun xarici ölkələrin aparıcı ali məktəbləri ilə əlaqələri ildən-ilə inkişaf edir. Artıq İran İslam Respublikasının İncəsənət Universiteti, Türkiyə Respublikasının Me’mar Sinan və Süleyman Dəmirəl Universitetləri və Qazi Universiteti ilə işbirliyinə dair müqavilələr bağlanmış və müəyyən əməli tədbirlər görülmüşdür. Son illər İtaliya, Marokko, Yaponiya, Fransa və s. dövlətlərin ali məktəbləri ilə əlaqələr yaradılmışdır.

    Universitetin mə’zunları təyinatla respublikanın mədəniyyət və incəsənət müəssisələrində işləməyə göndərilir. Universitet iki pilləli təhsil modeli üzrə mütəxəssislər hazırlayır (bakalavr və magistr). Universitetdə aspirantura fəaliyyət göstərir.


  3. #3
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    AZƏRBAYCAN DÖVLƏT NEFT AKADEMIYASI.



    Azərbaycan Dövlət Neft Akademiyası, Azərbaycanın ali təhsil mərkəzlərindən biridir.
    Tarixi
    10 Noyabr 1887-ci ildə Bakı şəhər duması tərəfindən Bakıda texniki məktəbin yaradılması haqqında qərar çıxarır.
    1896-cı ildə texniki məktəb «Bakı aşağı səviyyəli texniki məktəbə» çevrilir. 1896-1905-ci illər ərzində bu məktəbin mexanika şöbəsi üzrə 50 nəfər, inşaat şö’bəsi üzrə isə 55 nəfər buraxılışı olmuşdur. 1910-cu ildə mexanika şö’bəsinə neft-texniki və elektromexanika istiqamətlər daxil idi.
    1916-cı ildə məktəbdə 494 tələbə təhsil alırdı ki, onlardan da 20 nəfər azərbaycanlı idi.
    1918-ci ildə məktəb politexnikum adlandırılmışdır. Politexnikumda neft sənayesi, elektromexanika və inşaat–me’marlıq şö’bələri fəaliyyət köstərmiş, tələbələrin sayı 188 nəfər olmuşdur. Qeyd etmək lazımdır ki, bu dövrdə Azərbaycanda, aralarında 12 mühəndis olan cəmi 62 nəfər azərbaycanlının ali təhsili olmuşdur.
    16 Noyabr 1920-ci ildə Azərbaycan İnqilab Komitəsinin «Bakıda politexnik institutunun yaradılması haqqda» dekreti elan edildi.
    Dekretdə aşağıdakılar qeyd olunmuşdur:
    «Neft-mə’dən», «elektromexanika», «mühəndis-inşaat», «kənd təsərrüfatı» və «iqtisadiyyat» fakultələri əsasında Bakı politexnikumu bazasında M.Əzizbəyov adına Bakı politexnik institutu yaradılsın.
    Bakı politexnikumunun binaları, avadanlıqları, həmçinin Rus texniki cəmiyyətinin kimya laboratoriyası Bakı politexnik institutunun sərəncamına verilsin.
    Politexnik institutunun tələbə kontingentinin tərkibinə politexnikumun tələbələrinin daxil edilməsi ilk növbədə, aşağıdakı əsaslarla nəzərdə tutulsun: kafi dərəcədə ümumi təhsil hazırlığına malik tələbələrin I semestr dərslərinə buraxılması, belə hazırlığa malik olmayanlara isə əlavə ümumi təhsil fənnlərinin keçilməsi və ən nəhayət texnikumun yuxarı kurs tələbələrinə xüsusi dərslər təşkil etməklə tələbələr sırasına daxil olunması.
    Dövlət Universitetinin tələbələri üçün mövcud olan sosial təminat hüquqları Bakı Politexnik institutunun tələbələrinə də şamil edilsin.
    Universitetlərdən və digər müəssisələrdən Politexnik institutuna tədris prossesinə cəlb olunacaq professor-müəllimlərin əvəzçiliklə işləmələrinə baxmayaraq, Politexnik institutunda tutduğu vəzifəyə uyğun onlara əmək haqqı verilsin.
    Professor-müəllim heyyətinin əmək haqqı Dövlət Universitetində uyğun vəzifədə çalışan əməkdaşın əmək haqqı kimi ödənilsin.
    12 Dekabr 1920-ci ildə Xalq Maarif Komijsarlığı tərəfindən institutun açılması barədə dekreti verilir. Dekretdə Bakı Politexnik institunun yaradılması ilə bağlı Bakı politexnikumun bağlanması və müəllimlərin öz vəzifələrindən azad edilməsi qeyd olunur, hazırlıq işlərinin başa çatması və institutda tədris ilinin 1 Yanvar 1921-ci ildə başlanması köstərilirdi.
    Dekretə əsasən mühəndis A.İ.Kozlovun sədrliyi ilə in-stitutda qəbul komissiyasının yaradılması və aşağıdakı normaları rəhbər tutaraq, qəbulun 1 yanvar 1921-ci ilədək başa çatdırılması nəzərdə tutulurdu. Namizədlərdən ilk növbədə - Bakı politexnikumunun tələbələrinin, xüsüsi ali məktəblərin tələbələrinin, ikinci - türk dili bilənlərin, üçüncü – fəhlələrin, dördüncü – AKBP MK və BK-dən göndərilən beşinci – qızıl ordu nümayəndələrinin, altıncı – şura qulluqçularının, yeddinci – qalan vətəndaşların instituta qəbulu nəzərdə tutulmuşdur.
    Dekretə uyğun professorlar N.A.Dubrovskiy, P.K.juze, L.Q.Qurviç, Petroqrad Universitetinin dosenti A.S.Şepotev və mühəndis D.D.Qadaskin institutun professorları; aqronom N.A.Lebedev, mühəndislər S.Vəkilov, A.İ.Kozlov, A.N.Şuşerov və M.V.Abramoviç isə ixtisaslarına uyğun ka-fedra ştatlarına müəllim kimi daxil edilmişlər.
    Professor N.A.Dubrovskiy 1 sentyabr 1921-ci ilədək ilk rektor tə’yin olunmuşdur.
    Dekretdə Elmi Şuranın tərkibinin, adları yuxarıda çə-kilənlərdən təşkil olunması da qeyd olunmuşdur.
    İnstitutun Elmi Şurasının birinci iclası 15 Dekabr 1920-ci ildə ilk rektor professor N.A.Dubrovskinin sədrliyi altında aparılmışdır. İclasda S.Vəkilov Elmi Şuranın katibi seçilmişdir. Az sonra, 18 dekabrda Elmi Şuranın ikinci iclası keçirilmiş və ilk dəfə olaraq fakultələrə: «Neft-mə’dən» - dağ mühəndisi B.Dombrovskiy, «Elektromexanika» - mühəndis-elektrik A.Sizov, «Mühəndis-inşaat» - mülki inşaaat mühəndisi A. Şuşerov, «İqtisadiyyat» - professor N.A.Dubrovskiy və «Kənd təsərrüfatı» - aqronom N.Lebedov dekan seçilmişlər.
    Fəaliyyətə başlanmasını bəyan edən ilk zəng 2 Yanvar 1921-ci ildə saat 9.30-da vurulmuş və mühəndis S.Vəkilov institutun tarixində ilk dəfə olaraq ali riyaziyyatdan mühazirə oxumuşdur.
    1920/1921-ci tədris ilində institutun Elmi Şurasının 66 nəfərdən ibarət olan tərkibinə aşağıdakı professorlar və müəllimlər daxil olmuşlar:N.A.Dubrovskiy, P.K.juze, L.Q.Qurviç, A.S.Şepotev,D.D, Qadaskin, A.M.Şuşerov, L.S.Leybenzon, İ.V.Kurçatov, K.A.Krasusskiy, A.A.Axundov, Q.N.Qaziyev, İ.Q.Yesman, S.A.Kovalevskiy, P.İ.Kuznesov, T.Q.Kuliyev, P.P.Lukin, M.M.Skvorsov, S.N.Usatıy, V.İ.Tixomirov, B.P.Albiskiy, N.L.Vannikov və başqaları.
    1920/1921-ci tədris ilində institutda 1135 tələbə oxuyurdu.
    1922-ci ildə “ Kənd təsərrüfatı”, “ İqtisadiyyat”, “ Texnoloji ( elektrotexnika, dağ-neft və nefttexnoloji şö’bələri)”, və “Mühəndis-inşaat (quru yol, hidrotexniki və mülki inşaat ixtisasları üzrə)” fakultələrin fəaliyyəti üzrə institutun strukturu səhmanlaşdı.
    Bu dövrdə əsasən ümumi nəzəri hazırlığa geniş yer verilməklə ixtisas fənnlərinin tədrisinə və istehsalat təcrübələrinin keçirilməsinə lazımı nəzarət yetirilmirdi. Tədris planlarına çoxlu sayda fənnlər salınmaqla, fənnlərdən hesabatların verilməsində sərbəstliyə yol verilməklə bərabər, tələbələrin bir kursdan digərinə keçiril-məsində məqbul və imtahanların verilmə ardıcıllığı gözlənilmirdi. Praktiki və laboratoriya dərslərinə lazımı diqqət yetirilmir, tələbələrin müvəffəqiyyəti bal sistemi ilə qeydə alınırdı. Təhsil müddətinin nominal 5 il olmasına baxmayaraq, tədris planının həddən artıq yüklənməsi, az sayda tələbələrə belə 7 il ərzində institutu bitirməyə imkan verirdi. 1922-ci ildə institutun maddi-texniki bazasının və professor–müəllim hey’ətinin gücləndirilməsinə «Azneft»(tə’mir və lazımı avadanlığın tə’mini və 150 tələbəyə təqaüdün verilməsi), Xalq Komissarlar Şurası, Maa-rif, Torpaq, Yeyinti Ticarət Xalq Komissarlıqları tərəfindən lazımı köməklik göstərilirdi.
    Bu illərdə institutda işləmək üçün professorlar: S.N.Usatıy, S.M.Romanov, B.P.Albiskiy, M.M.Əliyev və İ.Q.Yesman (1922-1928-ci illərdə rektor vəzifəsini icra etmişdir) də’vət olunmuşlar.
    1923-cu ilin yayında Azərbaycan Hökümətinin təşəbbüsü nəticəsində keçmiş ittifaqın Mərkəzi İcraiyyə Komitəsinin 10 avqust 1923-cu il tarixli qərarı çıxırılmış, Bakı Politexnik institutunun ümumi ittifaq əhəmiyyəti qeyd olunmuş və ittifaqın Maarif Komissarlığına və Azərbaycan Hökumətinə İnstitutun maddi-texniki bazasının yaxşılaşdırılması ilə bağlı tədbirlərin görülməsi üçün göstəriş verilmişdir. Bunun nəticəsində «Azneft»in gəlirinin müəyyən faizinin institutun fonduna köçürülməsinə, Vladikavkaz Politexnikumun avadanlığının alınmasına nail olunmuşdur.
    1923-cu ildə 3 nəfərdən ibarət birinci buraxılış, 1924/1925-ci tədris ilində -13, 1925/1926-ci ildə – 46, 1926/1927-ci ildə isə 289 nəfər mühəndis buraxılışı olmuşdur.

    1923-cü ildən institut M.Əzizbəyov adına Azərbaycan politexnik institutu adlandırılmışdır.
    1929-cu ildə rektor vəzifəsini onun məzunu M.V. Barinov icra etmişdir.
    1929-1932-ci illərdə institututda, onun fakültələrində yenidənqurma işlərini aparan və həmin illərdə rektor vəzifəsini icra edən, institutun mə’zunu A.A.Nikişin ol-muşdur.
    12 May 1929-cu ildə institutdan «Kənd Təsərrüfatı» fakültəsi ayrılmış və sərbəst fəaliyyət göstərən «Kənd Təsərrüfatı İnstitutu» yaranmışdır.
    29 May 1930-cu ildə «Azərbaycan Politexnik İnstitutu»nun adı dəyişdirilmiş və «Azərbaycan Neft İnstitutu» (ANİ) adlandırılmışdır.
    1931-ci ildə institutun şö'bəsi «Azərbaycan Qiyabi Sənaye İnstitutu» yaradılmışdır.
    Azərbaycan Neft İnstitutu bazasında Gəncə, Qroznı, Ufa və İşimbayda şö’bələri olan «Azərbaycan Qiyabi Neft İnstitutu» yaradıldı.
    İnstitutun adının «Azərbaycan Neft İnstitutu» adlan-dırılması ilə bağlı yenidənqurma işləri və mühəndis kadrların hazırlanması aşağıdakı fakültələrdə aparılmışdır: «Mexanika» (elektromexanika, avtonəqliyyat, istilik energetikası sahələri üzrə); «Neft-mə’dən»(qazıma, istismar, qazın hasilatı və utilizə olunması və mə’dən mexanikası sahələri üzrə); «Geoloji-kəşfiyyat», «Neftkimya» (neft zavodları, laboratoriya-tədqiqat, mineral maddələrin texnologiyası üzrə); «İnşaat» (sənaye-zavod inşaatı, mülki me’marlıq tikintiləri üzrə), «Nəqliyyat» (sü’ni tikililər, dəmir yolları, dəmir yol istismarı və relssiz nəqliyyat üzrə), «Sənaye iqtisadiyyatı» və «hidroenergetika».
    19 İyun 1930-cu ildə «İnşaat» fakültəsi bazasında Azərbaycan İnşaat İnstitutu yaradılmışdır (1 Sentyabr 1934-cü ildə yenidən «me’marlıq-inşaat fakültəsi» adı ilə Azərbaycan Neft İnstitutuna verilmişdir).
    Politexnik institutun 10 illiyinə təsadüf edən otu-zuncu illərdə 3267 tələbəsi, qiyabi təhsil üzrə fəhlə fakültəsində 3000-dən çox dinləyicisi olan Azərbaycan Neft İnstitutu keçmiş ittifaqda, görkəmli ali təhsil müəssisələrindən birinə çevrilərək miqyas və əhəmiyyətinə görə Zaqafqa-ziyada birinci ali texniki məktəb kimi qalmışdı.
    Əgər 1921-1929-cu illər ərzində 422 nəfər mühəndis buraxılışı olmuşdursa, təkcə 1929/1930-cu tədris ilində in-stitutu 559 mütəxəssis bitirmişdir.
    Neft sənayesi üçün mütəxəssis hazırlığında əldə etdiyi nailiyyətlərə görə institut 1931-ci ildə Azərbaycan Respublikası hökümətinin «Qırmızı Əmək Bayrağı Ordeni» ilə mükafatlandırılmışdır.
    1934-cü il oktyabrın 10-da Neft institutu maşınqayırma, energetika və s. sahələr üçün də mühəndis kadrları hazırlığına görə Azərbaycan Sənaye İnstitutuna (Az.Sİ) çevrildi.

    Fəaliyyətinin 15 ili ərzində 2614, sonrakı beş ilində isə 2696 nəfər mühəndis kadrları hazırlayıb.
    Hal-hazırda respublikada fəaliyyət göstərən Azərbaycan Kənd Təsərrüfatı Akademiyası, Azərbaycan İnşaat Mühəndisləri Universiteti, Azərbaycan Texniki Universiteti və Azərbaycan Sənaye İnstitutu ADNA-nın ayrı-ayrı fakultələri əsasında yaradılmışdır.
    Hazırda ADNA-nın «Geoloji kəşfiyyat», «Qaz-neft-mə’dən», «Kimya texnologiyası», «Neft mexanikası», «Energetika», «İstehsalat proseslərinin avtomatlaşdırılması», «Mühəndis iqtisad, beynəlxalq iqtisadi əlaqələr ixtisas istiqaməti üzrə bakalavr və 50 ixtisaslaşma üzrə magistr pillələrində birlikdə 6000-dən çox tələbə təhsil alır. Elm və texnika sahəsi üçün mütəxəssis hazırlığında akademiyada 63 kafedra fəaliyyət göstərir.
    ADNA-da 60-dan çox ölkə üçün 300 nəfər mühəndis, bakalavr və magistr dərəcəli texniki kadr və 270 nəfər elmlər namizədi və doktoru hazırlanmışdır.
    ADNA-nın 1 milyona yaxın kitab fondu olan kitabxanası, informasiya hesablama mərkəzi, tədris vəsaitləri çap edən nəşriyyatı, 7 korpuslu tələbə şəhərciyi, 3 tədris korpusu, tələbə poliklinikası və xəstəxanası, idman kompleksi, Nabranda istirahət zonası vardır. Akademiyada «Elmi əsərlər», «Azərbaycan ali texniki məktəblərinin xəbərləri» adlı məcmuələr, «Neft kadrları uğrunda» adlı çoxtirajlı qəzet nəşr olunur.
    Respublika ali təhsil müəssisələri içərisində ADNA yeganə olaraq Avropa Universitetləri Assosiasiyasına qəbul edilmişdir. ADNA həmçinin Avropanın «TEMPUS» proqramının iştirakçısıdır. 1999-cu ildən başlayaraq bu kompakt-layihə proqramı əsasında «ətraf mühit və neft sənayesi» ixtisaslaşması üzrə magistr hazırlığına başlanacaqdır. 1999-cu ildən başlayaraq ADNA Amerika proqramları əsasında ABŞ-ın Corciya Dövlət Universiteti ilə birlikdə iki ixtisas üzrə magistrlər hazırlamağa başlamışdır. İlk dəfə mə’zunlara Amerika nümunəli diplomlar veriləcəkdir.

  4. #4
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    AZƏRBAYCAN TEXNIKI UNIVERSITETI



    Azərbaycan Texniki UniversitetiAzərbaycan Texniki Universiteti ölkəmizin aparıcı ali təhsil ocaqlarından biri olaraq 1950-ci ildən fəaliyyət göstərir və müasir tələblərə uyğun bakalavr və magistr hazırlığı üçün güclü professor-müəllim heyətinə və müvafiq maddi-texniki bazaya malikdir Hazırda universitetdə elm və texnikanın müxtəlif sahələrini əhatə edən 26 istiqamətdə 70 ixtisas üzrə yüksək səviyyəli mütəxəssis və elmi kadrlar hazırlanır.
    Universitetdə "Nəqliyyat","Elektrotexnika və energetika","Radiotexnika və rabitə", "Metallurgiya" ,"Maєınqayırma", "Avtomatika və Hesablama texnikası", "Texnoloji maєınlar" və "Mühəndis biznesi və menecment" fakültələri fəaliyyət göstərir.Bu fakültələrdə əyani və qiyabi formada 6000-dək tələbə təhsil alır. Onlardan 300 nəfərə qədəri xarici vətəndaşlardır. Universitetin 46 kafedrasında 600-dək professor-müəllim heyəti, o cümlədən 70 nəfərədək elmlər doktoru, professor, 400-dək elmlər namizədi, dosent çalışır.
    Universitetdə elmin müxtəlif istiqamətləri üzrə alimlik dərəcəsi verən ixtisaslaşdırılmış Elmi Şuralar fəaliyyət göstərir. 700 mindən artıq kitab fonduna malik olan Universitet kitabxanası və internetlə təchiz olunmuş oxu zalları var.
    Boloniya prosesinə qoşulması və çoxpilləli təhsil sisteminə keçilməsi ilə əlaqədar Universitet ABŞ-ın, Hollandiyanın, Almaniyanın, Türkiyənin, Rusiyanın və başqa ölkələrin qabaqcıl Universitetləri və elmi mərkəzləri ilə əlaqələr qurmuş və əməkdaşlığı daim genişləndirir. Ümumavropa təhsil layihələrində (TEMPUS, TAJİS və s.) universitetin əməkdaşları iştirak edir.
    Universitetdə müasir sarayı, tələbə şəhərciyi və tələbə-istirahət düєərgəsi fəaliyyət göstərir.
    Universitetin 9 fakultəsinin 54 kafedrasında minə yaxın müəllim, o cümlədən müxtəlif Elmlər Akademiyalarının 13 həqiqi və müxbir üzvü, 100-ə qədər elmlər doktoru, professor, 600 elmlər namizədi, dosent çalışır. Hazırda universitetdə 6500-dən çox tələbə təhsil alır.
    Azərbaycan, rus və xarici dillərdə 700 mindən çox kitabla təmin olunmuş əsaslı kitabxana, idman kompleksi, poliklinika, yeməkxana və Nabran istirahət zonası onların tələblərinin ödənilməsinə xidmət edir. 1998-ci ilin oktyabrından universitetdə Avropa Şurasının TACIS proqramı çevçivəsində yaradılmış Azərbaycan Telekommunikasiya Tədris Mərkəzi (AzTTM) fəaliyyətə başlamışdır. İndiyədək universitetdə 40-dan artıq xarici ölkənin vətəndaşı təhsil almış və hal-hazırda 150–dək xarici tələbə oxuyur. Qəbul edilən xarici vətəndaşların tədris və dil hazırlığını təmin etmək məqsədi ilə hazırlıq şöbəsi fəaliyyətdədir.
    Universitetin ABŞ, Rusiya, Kanada, Çin Xalq Respublikası, Almaniya, İngiltərə, Fransa, Türkiyə, İran İslam Respublikası, Malayziya, Avstriya, Polşa, Gürcüstan, Türkmənistan və s. ölkələrin universitetləri və elmi müəssisələri ilə əlaqələri vardır. Universitetdə bakalavr (mühəndis) hazırlığı üçün 4 il (xarici vətəndaşlar əlavə 9 ay hazırlıq şöbəsində oxumalıdırlar), magistr hazırlığı üçün 2 il, elmlər namizədi və elmlər doktoru hazırlığı üçün 3–4 il vaxt norması nəzərdə tutulmuşdur. AzTU–da magistr hazırlığı 19 elmi istiqamətdə birləşmiş 82 ixtisas üzrə aparılır.
    Bu istiqamətlər aşağıdakılardır: mühəndis iqtisadiyyatı; avtomatlaşdırma və idarəetmə; telekommunikasiya; metallurgiya; elektronika və mikroelektronika; ətraf mühitin mühafizəsi; istilik energetikası; elektron cihazların konstruksiya edilməsi və texnologiyası; elektrotexnika, elektromexanika və elektrotexnologiya; yerüstü nəqliyyat vasitələri; cihazqayırma; materialşünaslıq və yeni materialların texnologiyası; texnoloji maşın və avadanlıqlar; nəqliyyat vasitələrinin istismarı; metrologiya, standartlaşdırma və sertifikatlaşdırma; radiotexnika; hidropnevmosistemlər; informatika və hesablama texnikası; maşınqayırma istehsalının avtomatlaşdırılması texnologiyası və avadanlığı.
    Avtomatika və hesablama texnikası fakültəsində «Hesablama maşınları, kompleksləri, sistemləri və şəbəkələri», «Kompüter riyaziyyatı», «Texnoloji proseslərin və istehsalatın avtomatlaşdırılması», «Robototexniki sistemlər və komplekslər», «Sənaye elektronikası», «Elektron hesablayıcı vasitələrin konstruksiya edilməsi və texnologiyası» ixtisasları üzrə mühəndislər hazırlanır. Onlar elektron hesablama maşınları, mikrosxem, cihazqayırma, maşınqayırma, metallurgiya zavodlarında, dəmir yol müəssisələrində, kompüter texnikası ilə əlaqədar olan bütün sahələrdə çalışırlar.
    Avtomexanika fakültəsində «İstilik çevirici, qeyri-ənənəvi və bərpa olunan enerji mənbələri və qurğuları», «Soyuducu maşın və qurğular, havanın kondisiyalaşdırılması», «Daxiliyanma mühərrikləri», «Avtomobillər və traktorlar», «Nəqliyyat vasitələrinin texniki istismarı», «Nəqliyyatda daşımaların və idarəetmənin təşkili», «Yol hərəkətinin təşkili» ixtisasları üzrə mütəxəssilər hazırlanır. Onlar avtotraktorların, mühərriklərin, soyuducuların, kondisionerlərin konstruksiyası, istehsalı, istismarı və tə’miri sahələrində və bu sahələr üzrə elmi-tədqiqat və tədris müəssisələrində işləyirlər.
    Dəmir yol nəqliyyatı fakültəsində «Dəmir yolu və təsərrufatı, onun istismarı», «Lokomotiv və vaqon təsərrüfatı», «Dəmir yol nəqliyyatında avtomatika, telemexanika və rabitə» ixtisasları üzrə işləyəcək mühəndislər hazırlanır.
    Elektrotexnika və telekommunikasiya fakültəsində «Rabitə qovşaqları və kommutasiya sistemləri», «Çoxkanallı telekommunikasiya sistemləri», «Şəbəkələr, rabitə sistemləri və informasiyanın paylanması», «Elektroizolyasiya, kabel və kondensator texnikası», «Elektrik nəqliyyatı», «Avtomobil və traktorların elektrik avadanlığı» ixtisasları üzrə alitəhsilli mütəxəssislər hazırlanır. Onlar Rabitə Nazirliyi sistemində, elektrotexnika və energetika sənayesinin müəssisələrində, tramvay və trolleybus parklarında, metropolitendə, elmi-tədqiqat və təhsil institutlarında çalışırlar.
    Maşınqayırma fakültəsində «Maşınqayırma texnologiyası», «Metalkəsən dəzgahlar və alətlər», “Maşınqayırmada avtomatik layihələndirmə sistemləri», «Hidravlik maşınlar, hidropnevmavtomatika» ixtisasları üzrə mühəndislər hazırlanır. Fakültənin mə’zunları neftmaşınqayırma, elektromaşınqayırma, dəzgahqayırma, xüsusi maşınqayırma, cihazqayırma zavodlarında, nəqliyyatda, o cümlədən dəmiryol nəqliyyatında, layihə-konstruktor bürolarında çalışırlar.
    Texnoloji və yüngül sənaye maşınları fakültəsində «Qaldırıcı–nəqliyyat maşınları və avadanlığı», «Poliqrafiya maşınları və avtomatlaşdırılmış kompleksləri», «Yüngül sənaye maşınları», «Cihazqayırma», «Metrologiya və metroloji tə’minat» ixtisasları üzrə mühəndislər hazırlanır. Onlar respublikanın sənaye, elm və təhsil müəssisələrində fəaliyyət göstərirlər.
    Metallurgiya fakültəsi Azərbaycan və keçmiş Sovetlər birliyi ölkələrinin metallurgiya və tökmə zavodlarının sexlərini, həmçinin çoxsaylı elmi–tədqiqat, layihə–konstruktor institutlarını yüksəkixtisaslı mühəndis kadrları ilə tə’min edir. Fakültə «Əlvan metalların metallurgiyası», «Metallurgiya proseslərinin fiziki–kimyəvi tədqiqi», «Qara və əlvan metalların tökmə istehsalı», «Ovuntu, kompozisiya materialları və örtüklər», «Tökmə istehsalının maşınları, avadanlığı və texnologiyası», «Qaynaq istehsalının avadanlığı və texnologiyası», «Ətraf mühitin mühafizəsi və təbii ehtiyatlardan səmərəli istifadə olunması» sahələrində işləmək üçün ixtisaslaşan mütəxəssislər hazırlayır.
    Mühəndis biznesi və menecment fakültəsi müstəqillik qazanmış Azərbaycan Respublikasının bazar iqtisadiyyatına keçməsi ilə əlaqədar ölkədə marketinq və menecment sahələrində çalışa biləcək mühəndis kadrlara olan ehtiyacı ödəmək məqsədi ilə yaradılmışdır. Burada «İstehsalat və xidmət sahələrinin iqtisadiyyatı və idarə edilməsi», «Menecment» ixtisasları üzrə iqtisadçı mühəndislər hazırlanır.
    Radiotexnika və mikroelektronika fakultəsi «Radiorabitə, radioverilişləri və televiziya», «Radiotexnika», «Nəqliyyat radioavadanlığının texniki istismarı», «Radioelektron vasitələrinin konstruksiya edilməsi və texnologiyası», «Elektron texnikası materiallarının, komponentlərinin fizikası və texnologiyası», «Biotexniki və tibb aparatları və sistemləri» ixtisasları üzrə mühəndis kadrları hazırlayır. Onlar radiotexniki profilli müəssisə və zavodlarda, servis müəssisələrində, radio və televiziya mərkəzlərində işləyirlər.
    Xarici tələbələr fakültəsi universitetdə xarici ölkələr üçün yüksəkixtisaslı mütəxəssislər hazırlanmasını tə’min etmək məqsədi ilə xarici tələbələrin qəbulu, təhsili və məişətinin təşkili ilə bağlı məsələləri həll etmək üçün fəaliyyət göstərir.
    Azərbaycan Texniki Universitetinin xarici tələbələrlə 30 illik iş təcrübəsi vardır. Bu dövr ərzində 40-dan çox ölkənin, o cümlədən Türkiyə, İran İslam Respublikası, Bolqarıstan, Misir Ərəb Respublikası, Birləşmiş Ərəb Əmirlikləri, Yəmən, İrak, Suriya, İordaniya, Əlcəzair, Liviya, Anqola, Mali, Madaqaskar, Mərakeş, Konqo, Zair, Peru, Ekvador, Kuba, Banqladeş, Hindistan, Əfqanıstan, Çin, Vyetnam, Koreya, Kamboca və başqa ölkələrin nümayəndələri təhsil almış və alır. İndiyə kimi universiteti 1000 nəfərədək xarici tələbə bitirmişdir. Universitetdə hərbi kafedra fəaliyyət göstərir. Kafedra ehtiyat zabitlər proqramı üzrə hərbi hazırlıq dərsləri keçir.


  5. #5
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    AZƏRBAYCAN DILLƏR UNIVERSITETI



    Azərbaycan Dillər Universiteti 1973-cü ildən müstəqil ali təhsil müəssisəsi kimi fəaliyyət göstərən Azərbaycan Dövlət Dillər İnstitutu ölkəni xarici dillər üzrə müəllim və tərcüməçi kadrlarla təmin edir. Bundan əvvəlki dövrdə Dillər İnstitutu ilə hazırkı Rus dili və Ədəbiyyatı İnstitutu vahid ali məktəb kimi fəaliyyət göstərmişdir. Ötən dövr ərzində institutun maddi texniki bazası, elmi-pedaqoji kadr potensialı, kafedra, fakültə və ixtisaslarının keyfiyyət və kəmiyyət göstəriciləri xeyli yüksəlmişdir.
    İnstitutda tələbələrin təlim tərbiyəsi ilə 600-ə yaxın müəllim, o cümlədən 37 nəfər professor, 157 nəfər dosent, 211 nəfər baş müəllim, 157 nəfər müəllim məşğul olur.
    ADDİ-də ixtisasların profilinə uyğun kafedralarla yanaşı, bütün ixtisaslara xidmət edən genişprofilli kafedralar da fəaliyyət göstərir:

    İxtisaslar
    ingilis dili (pedaqoji)
    ingilis dili (tərcümə)
    ingilis dili (sinxron tərcümə)
    german filologiyası (ingilis dili)
    alman dili (pedaqoji)
    alman dili (tərcümə)
    fransız dili (tərcümə)
    fransız dili (pedaqoji)
    roman filologiyası (fransız dili)
    ispan dili (tərcümə)
    koreya dili (tərcümə)
    regionşünaslıq (avropaşünaslıq)

    İxtisas kafedraları
    İngilis dili - tərcümə
    İngilis dili - fonetika
    İngilis dili - üslubiyyat
    İngilis dili və ölkəşünaslıq
    İngilis dili qrammatikası
    İngilis dili leksikologiyası
    Fransız dili fonetikası
    Fransız dili - tərcümə
    Alman dili fonetikası
    Alman dili tərcümə
    Alman dili leksikologiyası
    İngilis dilinin tədrisi metodikası;

    Ümuminstitut kafedralar
    Fəlsəfə
    Azərbaycan tarixi
    Ümumi dilçilik
    Pedaqogika
    Psixologiya
    Metodika
    Ədəbiyyat
    İnformatika
    Azərbaycan dili
    Rus dili
    Mülki müdafiə

    İnstitutda müasir cihaz və avadanlıqlarla təchiz olunmuş laboratoriyalar, o cümlədən eksperimental fonetika laboratoriyası, informatika və TTV nəzdində kompüter laboratoriyası, 2 kitabxana, idman zalı, tibbi xidmət məntəqəsi və s. tələbələrin istifadəsindədir. ADDİ-nin Avropanın inkişaf etmiş ölkələrindəki uyğun ali məktəblərlə, o cümlədən Fransanın TUR və LİON universitetləri, Almaniyanın GÖTE və BOXUM universitetləri, İngiltərənin KEMBRİC Universiteti ilə elm və kadr hazırlığı sahəsində sıx əlaqələri vardır. ADDİ-nin mə’zunlarına Respublika Təhsil Nazirliyinin tələbnaməsi əsasında təyinat verilir.

  6. #6
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    AZƏRBAYCAN DÖVLƏT PEDAQOJI UNIVERSITETI



    Respublikamızın qocaman ali təhsil ocaqlarından olan N.Tusi adına Azərbaycan Dövlət Pedaqoji Universiteti 1921-ci ildə yaradılmışdır. Onun ilk buraxılışı 1923/24-cü tədris ilində olmuşdur. ADPU indiyədək 100 mindən artıq ali təhsilli müəllim kadrları hazırlamışdır. Hazırda universitetdə aşağıdakı ixtisaslar üzrə müəllim və tərbiyəçi kadrları hazırlayan 10 fakültə və 55 kafedra fəaliyyət göstərir:
    Azərbaycan Dövlət Pedaqoji Universiteti1. Azərbaycan dili və ədəbiyyatı; (əyani, qiyabi, Azərbaycan bölməsi)
    2. Tarix (əyani, qiyabi, Azərbaycan və rus bölmələri)
    3. Riyaziyyat (əyani, qiyabi, Azərbaycan və rus bölmələri)
    4. Kimya (əyani, Azərbaycan bölməsi)
    5. Biologiya (əyani, qiyabi, Azərbaycan və rus bölmələri)
    6. Fizika (əyani, Azərbaycan bölməsi)
    7. Coğrafiya (əyani, qiyabi, Azərbaycan bölməsi)
    8. Peşə tə’limi (əyani, qiyabi, Azərbaycan bölməsi)
    9. Musiqi təhsili (əyani, Azərbaycan bölməsi)
    10. Təsviri incəsənət və rəsmxət (əyani, Azərbaycan bölməsi)
    11. Defektologiya (əyani, Azərbaycan bölməsi)
    12. İlkin hərbi və fiziki tə’lim (əyani, Azərbaycan bölməsi)
    13. İbtidai təhsilin pedaqogikası və metodikası (əyani, qiyabi, Azərbaycan və rus bölmələri)
    14. Məktəbəqədər təhsilin pedaqogikası və metodikası (əyani, qiyabi, Azərbaycan bölməsi)
    Universitetdə 730 nəfər müəllim, 330 nəfər köməkçi hey’ət çalışır. Bunlardan 59 nəfəri elmlər doktoru, professor, 329 nəfəri elmlər namizədi, dosentdir. Universitetdə müxtəlif Elmlər Akademiyalarının 4 nəfər üzvü fəaliyyət göstərir.

    Hazırda universitetin əyani və qiyabi şö’bələrində 7 minədək tələbə təhsil alır. ADPU ölkəmizdə elmin, mədəniyyətin, incəsənətin və ədəbiyyatın tərəqqisində samballı xidmətləri olan S.Vurğun, S.Rüstəm, M.Müşfiq, Y.Məmmədəliyev, Z.Xəlilov, Ş.Qurbanov kimi mə’zunları ilə fəxr edir. Universitetin “İlkin hərbi və fiziki tə’lim” fakültəsi hərbi rəhbərlər və zabitlər hazırlayır.

    ADPU-da 700 min nüsxədən ibarət kitab fondu olan kitabxana, qiraət zalları, hesablama-kompüter mərkəzi, onomastik laboratoriya, zoologiya muzeyi, tibbi xidmət mərkəzi və s. fəaliyyət göstərir. Universitetin Şamaxı və Şuşa filiallarında da təhsil sistemimiz üçün kadr hazırlığı aparılır. Mə’zunlara Təhsil Nazirliyinin təqdim etdiyi təhsil işçilərinə tələbat bölgüsü əsasında tə’yinat verilir

  7. #7
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    AZƏRBAYCAN MEMARLIQ VƏ İNŞAAT UNIVERSITETI



    Azərbaycan Memarlıq və İnşaat UniversitetiAzərbaycan İnşaat Mühəndisləri Universiteti (AzİMU) 1920-ci ildən Bakı Politexnik İnstitutunun tərkibində inşaat fakültəsi, 1930-1934-cü illərdə müstəqil İnşaat və Memarlıq İnstitutu, 1934-cü ildən Azərbaycan Sənaye İnstitutunun, 1951-ci ildən isə Azərbaycan Politexnik İnstitutunun tərkibində inşaat-memarlıq yönümlü ixtisasları birləşdirən bir neçə fakültə kimi fəaliyyət göstərmişdir. 1975-ci ildə Azərbaycan Respublikası Nazirlər Kabinetinin qərarı ilə Azərbaycan İnşaat Mühəndisləri İnstitutu yaradılmışdır. 1992-ci ildə institut universitet statusu almışdır. AzİMU inşaat sahəsində Zaqafqaziyada ilk və hələlik yeganə ali təhsil müəssisəsidir. Universitet indiyə qədər 25 mindən çox yüksəkixtisaslı me’mar və inşaatçı-mühəndis hazırlamışdır. 2000-ci il iyun ayının 13-də Azərbaycan Respublikasının prezidenti Heydər Əliyevin Fərmanı ilə bu ali məktəb Azərbaycan Memarlıq və İnşaat Universiteti adlandırılmışdır.

    Fakültələr
    Tikintinin iqtisadiyyatı və idarə edilməsi
    Bələdiyyə tikintisi və təsərrüfatının iqtisadiyyatı və idarə edilməsi
    Menecment (inşaatda)
    Marketinq (inşaatda)
    Me’marlıq
    Me’marlıq mühitinin dizaynı
    Me’marlıq abidələrinin bərpası və yenidən qurulması
    Bağ, park və landşaft quruculuğu
    Sənaye və mülki tikinti
    Hidrotexniki tikinti
    Bələdiyyə tikintisi və təsərrufatı
    Meliorasiya mühəndis sistemlərinin tikintisi
    İstilik qaz təchizatı və ventilyasiya
    Su təchizatı və suayırma
    Dəmir yol tikintisi və təsərrüfatı
    Avtomobil yolları və aerodromların tikintisi
    Körpülər və nəqliyyat tunelləri
    Tikinti materialları, mə’mulatları və konstruksiyalarının istehsal texnologiyası
    Ağac e’malının texnologiyası
    Çətinəriyən qeyri-metal və silikat materiallarının texnologiyası
    Tətbiqi geodeziya
    Tikinti və tikinti materialları sənaye müəssisələrinin elektrik təchizatı.
    İnşaatda texnoloji proseslərin və istehsalın avtomatlaşdırılması.
    İnşaat, yol maşın və avadanlıqları
    Tikinti materialları və mə'mulatları sənayesi müəssisələrinin maşın və avadanlığı
    Tikinti və tikinti materialları sənayesi müəssisələrinin texnoloji, nəqliyyat maşın və avadanlağının texniki istismarı və servis xidməti
    Materiallar fizikası (inşaatda)
    Materialşünaslıq və yeni materiallar texnologiyası (inşaatda)
    Mexanikləşdirmə və avtomatlaşdırma (inşaatda)
    Hidrotexniki və meliorasiya mühəndis sistemləri tikinti işlərinin mexanikləşdirilməsi
    Həyat fəaliyyətinin təhlükəsizliyi (inşaatda)
    Su ehtiyatlarının mühafizəsi və kompleks istifadəsi

    Mühəndis kadrlarının hazırlanması ilə 700 nəfərdən ibarət professor-müəllim heyəti məşğul olur. Bunlardan 100 nəfərdən çoxu elmlər dokturu, professor, 400 nəfərdən çoxu elmlər namizədi, dosent və baş müəllimdir. Onlarla yanaşı respublika tikinti kompleksinin aparıcı mütəxəssisləri də tədris prosesinə cəlb edilmişdir.

    Universitetdə 42 kafedra fəaliyyət göstərir. Bunlar sosial-siyasi və humanitar, ümumi elmi, ümumi texniki və ixtisas kafedralarına bölünür.
    Bunun üçün onlar burada “OCAQ” tələbə klubu, şahmat klubu, idman meydançaları, “Çənki” kinokonsert salonu və tələbə kafesindən istifadə edə bilirlər. Tələbə şəhərciyində sanatoriya-profilaktoriya fəaliyyət göstərir. Universitetin nəzdində tələbə poliklinikası, əsaslı kitabxana, tədris korpuslarında şöbələri və oxucu salonları, aspirantura şöbəsi, elmi tədqiqat bölməsi, istehsalat təcrübə şöbəsi vardır.

    Xarici tələbələrlə iş üzrə dekanlıq 1977-ci ildən fəaliyyət göstərir və xarici ölkələr üçün mütəxəssislər hazırlayır. Ötən müddət ərzində dünyanın 40-dan artıq ölkəsindən 1000-ə yaxın tələbə universiteti bitirmiş, 50-yə yaxın xarici ölkə vətəndaşı alimlik dərəcəsi almışdır. Hazırda AzİMU-da dünyanın 15 ölkəsindən 400-yə yaxın tələbə və aspirant təhsil alır.
    AzİMU-da təhsil alan xarici vətəndaşlar universitetin yataqxanasında yerləşdirilir, müqavilə bağlanır, qeydiyyat və viza məsələləri həll edilir. Xarici tələbələrlə iş üzrə dekanlıq xarici ölkə universitetlərinin inşaat bölümləri və digər təşkilatlarla əlaqə saxlayır. Xarici vətəndaşların hazırlığı ilə 65 nəfər müəllim məşğul olur. Onlardan 2 nəfəri elmlər doktoru, professor, 15 nəfəri elmlər namizədi, dosentdir. Təhsil 2 yolla aparılır: müqavilə və dövlət xəttilə.

    AzİMU çoxpilləli təhsil sisteminə keçmişdir: bakalavr pilləsi-4 il, magistr pilləsi-2 ildir. Universitetdə təhsil əyani və qiyabi formalarda, ödənişli və ödənişsiz əsaslarla həyata keçirilir. Tələbələrimiz ali məktəblər arasında keçirilən idman yarışlarında, müsabiqələrdə fəal iştirak edirlər. Bir çox idmançılarımız dünya çempionu, beynəlxalq idman ustası adlarını qazanmışlar. Universitetdə “Sevinc” ansamblı fəaliyyət göstərir.

  8. #8
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    AZƏRBAYCAN RESPUBLIKASININ PREZIDENTI YANINDA DÖVLƏT İDARƏÇILIK AKADEMIYASI



    Azərbaycan Respublikasının Prezidenti yanında Dövlət İdarəçilik Akademiyası Azərbaycan Respublikası Prezidentinin 3 yanvar 1999-cu il tarixli 60 saylı fərmanı ilə yaradılmışdır və Azərbaycan Respublikasının Konstitusiyasına, Azərbaycan Respublikasının Qanunvericiliyinə və akademiyanın nizamnaməsinə müvafiq fəaliyyət göstərən ali peşəkar təhsil-tədris statuslu elm və təhsil ocağıdır.

    Akademiyanın fəaliyyəti dövlət qulluqçularının, onları əvəz etmək üçün ehtiyat kadrların hazırlanmasına, yenidən hazırlanmasına və ixtisasların artırılmasına dair dövlət sifarişi, habelə təhsil verilməsi haqqında dövlət hakimiyyəti orqanları ilə bağlanacaq müqavilələrin, elmi tədqiqatların və analitik - informasiya işlərinin aparılması barədə müqavilələrin əsasında həyata keçirilir.

    Akademiya dövlət idarəçiliyi və dövlət kadr siyasəti sahəsində elmi tədqiqatlar aparır və eyni zamanda dövlət idarəçiliyi məsələləri üzrə dövlət hakimiyyəti orqanlarının analitik - informasiya tə’minatını həyata keçirir.

    Fakültələr
    İnzibati İdarəetmə
    Siyasi İdarəetmə
    Kadrların ixtisasartırması və yenidən ixtisaslaşması.
    İxtisaslar
    Dövlətşünaslıq:
    a) Dövlət hüququ;
    b) Beynəlxalq hüquq;
    İnzibati idarəetmə;
    Dövlət və bələdiyyə idarəetməsi;
    Beynəlxalq əlaqələr;
    Politologiya;
    Menecment.

  9. #9
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    BAKI SLAVYAN UNIVERSITETI


    Bakı Slavyan Universiteti 1946-cı ildə SSRİ Xalq Komissarları Sovetinin 2 fevral tarixli 1313 saylı sərəncamı və Azərbaycan SSR Nazirlər Kabinetinin 15 may tarixli qərarı əsasında M.F.Axundov adına Azərbaycan Dövlət ikiillik Müəllimlər İnstitutu yaradılmışdır. İnstitutun rəhbəri dosent A.S.Loginov təyin edilmişdir. İlk tədris ilində instituta 108 nəfər qəbul olunmuşdur. Ştat cədvəli üzrə institutda 28 əməkdaş işləyirdi.
    30 iyul 1948-ci il tarixdə Azərbaycan məktəblərində rus dili və ədəbiyyatı müəllimi ixtisasına yiyələnmiş tələbələrin ilk buraxılışı keçirildi.
    1952-ci ildə M.F.Axundov adına Müəllimlər İnstitutu rus dili müəllimləri hazırlığı üzrə dördillik tədris müddətli pedaqoji instituta çevrildi. Beləliklə, Azərbaycanda sonralar rusistika üzrə iri tədris və elmi mərkəzə çevrilmiş ali təhsil ocağı - respublikanın orta məktəbləri üçün rus dili və ədəbiyyatı müəllimlərinin hazırlanması üzrə ixtisaslaşdırılmış ali məktəb yaradıldı.
    1952-ci ildə qəbul planı 300 nəfərə çatdırıldı. 1952-1953-cü tədris ilində institutda 40 müəllim işləyirdi; onlardan 12 nəfəri elmlər namizədi dərəcəsi olan dosent, 3 nəfəri elmi dərəcəli baş müəllim, 10 nəfəri elmi dərəcəsi olmayan baş müəllim, 15 nəfəri isə müəllim idi.
    1956-1957-ci tədris ilində institut beşillik təhsil sisteminə keçirildi. Öz zəngin tarixinin ilkin mərhələsində (1952-1959) M.F.Axundov adına Pedaqoji Rus Dili və Ədəbiyyatı İnstitutu respublikanın ümumtəhsil məktəbləri üçün rus dili və ədəbiyyatı müəllimləri hazırlayan iri ixtisaslaşdırılmış ali təhsil ocağına çevrildi. Bu müddət ərzində institutda 4000-ə yaxın rus dili və ədəbiyyatı müəllimi hazırlanmışdı.
    14 aprel 1959-cu ildə Azərbaycan KP MK və Nazirlər Sovetinin "Azərbaycan SSR-nin ali pedaqoji məktəblərinin istiqamətləri haqqında" qərarı qəbul edildi. Bu rəsmi sənədə əsasən M.F.Axundov adına Azərbaycan Pedaqoji Rus Dili və Ədəbiyyatı İnstitutu və Azərbaycan Pedaqoji Xarici Dillər İnstitutu bazaları əsasında M.F.Axundov adına Azərbaycan Pedaqoji Dillər İnstitutu yaradıldı.
    1959-cu ildə M.F.Axundov adına APDİ-də tərkibində 188 professr-müəllim hey'əti olan 15 kafedra fəaliyyət göstərirdi. Bu dövrdə institutda 3700 tələbə təhsil alırdı. 1966-1967-ci tədris ilində kafedralar yenidən təşkil edildi, yeni fakültələr yaradıldı. Rus dili və ədəbiyyatı fakültəsi iki istiqamətdə - Rus dili və Azərbaycan dili istiqamətlərində fəaliyyət göstərirdi, burada ispan və Azərbaycan dilləri şö'bələri də yaradılmışdı.
    1972-ci ildə respublikanın rəhbəri, Azərbaycanın ümummilli lideri H.Ə.Əliyevin təşəbbüsü və respublika hökümətinin 2 noyabr 1972-ci il tarixli 362 saylı qərarı əsasında M.F.Axundov adına Azərbaycan Pedaqoji Dillər İnstitunun bazasında eyni adlı Azərbaycan Pedaqoji Rus Dili və Ədəbiyyatı İnstitutu bərpa edildi. İnstitutda bütün tə'lim-tərbiyə və elmi-tədqiqat işlərini 18 kafedra həyata keçirirdi; həmin dövrdə bu təhsil ocağında 280 müəllim, o cümlədən, 6 elmlər doktoru, professor və 84 elmlər namizədi, dosent işləyirdi.
    1974-cü ildə institutda iki fakültənin - orta məktəbi rus dilində bitirmiş tələbələr üçün 1 saylı Rus dili və ədəbiyyatı, Azərbaycan dilində bitirmiş tələbələr üçün isə 2 saylı Rus dili və ədəbiyyatı fakültələrinin yaradılması haqqında qərar qəbul edildi. Elmi-tədqiqat işi pedaqoji institutun məqsəd və vəzifələrinə tam cavab verir, məqsədyönlü xarakter daşıyır və Azərbaycan Respublikası Elmlər Akademiyasının Koordinasiya Şurasının planı üzrə həyata keçirilirdi. Fəaliyyət göstərdiyi dövr ərzində institutun professor-müəllim hey'əti respublika, ümumittifaq və beynəlxalq miqyaslarda keçirilən elmi-metodik konfranslarda, seminar və simpoziumlarda fəal iştirak etmişdir. 1994-cü ildə institut beynəlxalq standartlara uyğun olaraq bakalavr hazırlığı üzrə dördillik yeni tədris planına keçirildi.
    1997-ci ildə M.F.Axundov adına APRDƏİ-də magistratura şö'bəsi yaradıldı.
    2000-ci il respublikanın ictimai həyatında əlamətdar hadisə ilə yadda qalmışdır. Azərbaycan Respublikasının prezidenti H.Əliyevin 13 iyun 2000-ci il tarixli fərmanı ilə M.F.Axundov adına Azərbaycan Pedaqoji Rus dili və Ədəbiyyatı İnstitutunun bazasında öz istiqaməti üzrə unikal bir tədris ocağı kimi tanınan və bütün Şərq bölgəsində nadir ixtisaslar üzrə peşəkar kadr hazırlığını həyata keçirən ali məktəb - Bakı Slavyan Universiteti yaradılmışdır.
    Azərbaycanın tanınmış alimi və yazıçısı, filologiya elmləri doktoru, professor, əməkdar elm xadimi Kamal Mehdi oğlu Abdullayev (Kamal Abdulla) respublika prezidentinin fərmanı ilə BSU-nun rektoru təyin edilmişdir. Onun rəhbərliyi altında geniş islahatlar proqramı hazırlanıb həyata keçirilmiş, universitetin tədris, tə'lim-tərbiyə, maddi-texniki bazası tamamilə yeniləşdirilmiş, BSU respublikanın ən qabaqcıl tədris müəssisələrindən birinə çevrilmişdir.
    Qısa bir müddət ərzində BSU yüksək ixtisaslı, peşəkar kadrlara, tədris və elmi potensiala, müasir infrastruktura malik çoxşaxəli tədris müəssisəsinə çevrildi. Bu gün Bakı Slavyan Universiteti unikal təhsil və mədəniyyət mərkəzi kimi bölgədə slavyan xalqlarının mə'nəvi dəyərlərini tədqiq və təbliğ edir. Burada rus, slavyan dilləri və ədəbiyyatı üzrə ciddi tədqiqatlar həyata keçirilir, təkcə respublikamız üçün deyil, həm də bir çox Şərq ölkələri üçün yüksək ixtisaslı kadrlar hazırlanır.
    2000-ci ildən e'tibarən BSU-da beş fakültə fəaliyyət göstərir.
    Filoloji fakültə rus və Azərbaycan filologiyası və jurnalistika üzrə kadr hazırlığını həyata keçirir. Fakültəyə universitetin 7 kafedrası daxildir. Hal-hazırda fakültədə 600-dən çox tələbə təhsil alır.
    Pedaqoji fakültədə respublikanın orta və ümumtəhsil məktəbləri üçün rus dili və ədəbiyyatı müəllimləri, həmçinin "İbtidai təhsilin pedaqogikası və metodikası" ixtisası üzrə bakalavrlar hazırlanır. Fakültədə tədris prosesinin təşkilinə 6 kafedra cəlb edilmişdir. Tələbələrin sayı 700 nəfərdən yuxarıdır.
    Beynəlxalq münasibətlər və regionşünaslıq və Tərcümə fakültələri bir çox ixtisaslar üzrə kadr hazırlığını həyata keçirirlər: burada beynəlxalq münasibətlər üzrə mütəxəssislər, Azərbaycan, Türkiyə, Rusiya, Ukrayna, Polşa, Bolqarıstan, Çexiya, Slovakiya və Yunanıstan üzrə geniş profilli regionşünaslar, həmçinin tərcüməçilər hazırlanır.
    İxtisasartırma və yenidən hazırlama fakültəsi yeni pedaqoji kadrların hazırlanması və onların ixtisaslarının dəyişdirilməsini təşkil edir. Fakültədə respublikanın ali və orta məktəb müəllimləri "Rus dili və ədəbiyyatı" üzrə ixtisaslarını artırır və dinləyicilər müxtəlif sahələr üzrə yeni ixtisasa yiyələnirlər.
    Universitetdə "Dilşünaslıq" və "Filologiya" istiqamətlərində 10 ixtisas - ümumi dilçilik, rus, çex, polyak, bolqar, ukrayna dilləri, tərcümə, ədəbiyyat nəzəriyyəsi, rus ədəbiyyatı, rus dili və ədəbiyyatının tədrisi metodikası ixtisasları üzrə magistr hazırlığı həyata keçirilir. Fəaliyyət göstərdiyi beş il ərzində universitetin magistratura şö'bəsində 4 buraxılış olmuş, 200-dən çox məzun müxtəlif ixtisaslar üzrə magistr diplomuna layiq görülmüşdür. Son iki il ərzində BSU adi təhsil ocağından elmi slavistika və slavyan mədəniyyəti mərkəzinə çevrilmişdir. Bu gün Bakı Slavyan Universitetində 26 kafedra fəaliyyət göstərir. Universitetin professor-müəllim hey'ətinə 38 elmlər doktoru, professor, 184 elmlər namizədi, dosent və 200-dən yuxarı baş müəllim və müəllim daxildir.
    BSU-da "Lügət mərkəzi", "Türk-slavyan əlaqələri", "Tərcümə problemləri", "Beynəlxalq münasibətlər" elmi-tədqiqat laboratoriyaları, "Azərbaycanşünaslıq" elmi-tədris mərkəzi yaradılmışdır.
    Universitetdə yüksək ixtisaslı bakalavr və magistr hazırlığını həyata keçirən fakültə və kafedralardan, həmçinin ümumi və tədris leksikoqrafiyasının, psixolinqvistika və bilinqvizmin, türk-slavyan ədəbi və mə'nəvi əlaqələrinin, azərbaycanşünaslığın aktual problemlərini tədqiq edən elmi-tədqiqat laboratoriyalarından başqa, Xarici əlaqələr şö'bəsi, ümumtəhsil tədris proqramlı humanitar lisey, Ukrayna bazar günü məktəbi, Nəşriyyat-poliqrafiya mərkəzi, Tələbə teatrı, "Səfir saatı" klubu, Qiyabi təhsil şö'bəsi, Magistratura şö'bəsi, aspirantura və doktorantura fəaliyyət göstərir.
    Universitetdə "BSU-nun elmi əsərləri", "Azərbaycanda rus dili və ədəbiyyatı" elmi metodik jurnal, alim və müəllimlərin, aspirant və magistrantların elmi məqalələr məcmuələri nəşr edilir, "Tələbə dünyası" qəzeti çap olunur.
    2002-ci ildən e'tibarən BSU-da elmi namizədi və doktorluq dissertasiyaların müdafiəsi üzrə İxtisaslaşdırılmış Şura fəaliyyət göstərir. BSU-da ali məktəb tələbələri üçün elmin müasir tələblərinə cavab verən yeni dərsliklər və tədris vəsaitlərinin, lüğət və məlumat ədəbiyyatının, tədris proqramları və metodik tövsiyyələrin hazırlanmasına xüsusi diqqət yetirilir.
    2000-ci ildə Bakı Slavyan Universitetinin Fəxri doktoru adı təsis edilmişdir. Ölkələr və xalqlar arasında dostluq və əməkdaşlıq əlaqələrinin möhkəmləndirilməsi, elm, təhsil və mədəniyyətin inkişaf etdirilməsi işində xüsusi xidmətlər göstərmiş bir sıra görkəmli dövlət və ictimai-siyasi xadim BSU Elmi Şurasının qərarı ilə bu fəxri ada layiq görülmüşdür. Bu gün Rusiya Federasiyasının Prezidenti V.V.Putin, Moskva və Bütün Rusiya Patriarxı II Aleksiy, Ukrayna Radasının spikeri V.Plyuş, Rusiya Federasiyası Federal Şurasının sədri S.M.Mironov, Bolqarıstanın Prezidentləri J.Jelev (1990-1997) və G.Pırvanov, Yunanıstan Prezidenti K.Stefanopulos və Ukrayna Prezidenti V.Yushenko Bakı Slavyan Universitetinin Fəxri doktorlarıdır.
    BSU bir çox xarici ölkələrin ali məktəbləri ilə çoxşaxəli əlaqələr qurmuşdur. Universitetin xarici əlaqələri Rusiya, Fransa, Ukrayna, Bolqarıstan, Çexiya, Polşa, Yunanıstan və digər dövlətlərin nüfuzlu ali məktəbləri, elmi və ictimai təşkilatları ilə imzalanmış müqavilə və sazişlərlə tənzimlənir. Bakı Slavyan Universiteti A.S.Puşkin adına Dövlət Rus Dili İnstitutu (Rusiya, Moskva), Regionlararası Hey'ətin İdarəedilməsi Akademiyası (Ukrayna, Kiyev), Slavyan Universiteti (Ukrayna, Kiyev), "Ovidius" Universiteti (Yunanıstan, Konstanta), Şumen Universiteti (Bolqarıstan, Şumen), B.Xmelnitski adına Çerkask Dövlət Universiteti (Ukrayna, Çerkask), Moskva Dövlət Beynəlxalq Münasibətlər Universiteti (Rusiya, Moskva), İNALKO Şərq Dilləri və Mədəniyyətləri İnstitutu (Fransa, Paris) ilə müqavilələr imzalamışdır.
    Xarici dövlətlərin ictimai-siyasi dairələrinin nümayəndələri, tanınmış elm, təhsil və mədəniyyət işçiləri universitetlə sıx əməkdaşlıq edirlər. Son iki il ərzində bir çox ictimai xadimlər, siyasətçilər və alimlər - Rusiya Federal Şurasının sədri S.M.Mironov, Rusiya Dumasının spikeri Q.N.Seleznyov, Moskva şəhərinin I vitse-meri L.Şvetsova, Rusiya Federasiyasının Təhsil naziri V.Filippov, yazıçı və tənqidçi L.Y.Lavrova, Fransanın "İNALKO" Şərq dilləri Universitetinin vitse-prezidenti K.Aliber, Bolqarıstan respublikasının prezidenti (1990-1997) J.Jelev, Şumen Universitetinin fakültə dekanı dosent E.Dobreva, xarici ölkələrin bir sıra mətbuat orqanlarının nümayəndələri və görkəmli mədəniyyət xadimləri universitetin qonağı olmuşlar. Universitet tələbə və magistrantlarının Rusiya, Ukrayna, Bolqarıstan, Polşa və digər xarici ölkələrin tanınmış ali məktəblərində elmi-tədqiqat təcrübəsinə cəlb olunmaları, ixtisasartırma kurslarında təhsil almaları, bu tədris müəssisələri ilə müəllim-tələbə mübadiləsi ənənəvi hal almışdır.
    Universitetdə Ukrayna Tədris-Mədəniyyət Mərkəzi, Rusiya Tədris-Mədəniyyət Mərkəzi ("Moskva auditoriyası"), Türkiyə Araşdırmaları mərkəzi, Müasir Yunan dili və mədniyyəti mərkəzi, Bolqar dili və mədniyyəti mərkəzi və Polyak dili və mədəniyyəti mərkəzi aktiv fəaliyyət göstərirlər

  10. #10
    VIP Аватар для Камиль
    Регистрация
    14.06.2007
    Адрес
    Azərbaycan Baki
    Сообщений
    1,851
    Спасибо
    0
    Thanked 36 Times in 34 Posts
    BAKI MUSIQI AKADEMIYASI



    Bakı Musiqi Akademiyası (keçmişdə Azərbaycan Milli Konservatoriyası adlanırdı) 1922-ci ildə yaradılıb.
    BMA-nın tərkibindəki Musiqi Kolleci, (keçmiş A. Zeynallı adına Bakı Musiqi texnikumu) respublikada ən qədim musiqi təhsil ocağı, sonrakı inkişaf mərhələlərində isə bu təhsil bazası əsasında müxtəlif musiqi təhsili verən texnikum və ali məktəblər yaradılmışdır. Bu gün biz qürurla qeyd edə bilərik ki, BMA-nın tarixi ənənələri, məhz bu musiqi kollecinin bazası əsasında formalaşmışdır.
    BMA-nın hal-hazırda yerləşdiyi binanın (M. İbrahimov küçəsi 8) özülü 1885-ci ildə qoyulsa da, ilk musiqi təhsil ocağı kimi 1895-cı ildən fəaliyyətə başlamışdır. Musiqi məktəbinin əsasını Moskva konservatoriyasının yetirməsi Antonina Nikolayevna Yermolayeva qoymuşdur. 1906-cı il 6 Dekabr tarixli 3036 saylı “YRMO”-nun sənədlərində göstərilir ki, A. N. Yermolayevanın təşkil etdiyi özəl musiqi texnikumu 1901-ci ildən “YRMO”nun nəzdində “Bakı Musiqi Sinifləri” adlandırılmışdır. 1915-1916-cı ildə Bakı Musiqi Siniflərinə rəhbərlik etmək üçün Odessa Konservatoriyasının pianoçusu Y.A.Rijinskiy dəvət edilir. O, musiqi siniflərini 24 iyun 1916-cı il tarixli əmri ilə Musiqi texnikumuna çevrilir.
    Azərbaycan musiqi mədəniyyətinin inkişafında əlamətdar hadisə 1920-ci ilin may ayında olmuşdur. Bu tarixdə Musiqi texnikumunun bazasında YRMO-nun Bakı şöbəsinin Xalq Konservatoriyası yaradılır və az keçmədən, yəni oktyabr ayında Azərbaycan Dövlət Konservatoriyası adlandırılır.
    Azərbaycanda professional musiqi təhsilini qurmaq və kvalifikasiyalı peşəkar musiqi mütəxəssislərinin hazırlanması məqsədilə, Azərbaycan SSR-nin Narkomprosunun Kollegiyası tərəfindən konservatoriyanın nəzdində qısa müddətli “Şərq musiqisi” pedaqoji kursları yaradılır və o dövrün tanınmış xalq sənətkarlarından – Seyid Şuşinski, Ələsgər Abdullayev, Hüseynqulu Sarabski, pianoçu Xədicə Qaibova, tarzənlərdən – Qurban Pirimov, Şirin Axundov, Həsən Əliyev və başqaları oxumaq üçün bu kurslara göndərilir. Narkomprosun qərarında müsəlman qadınlar üçün “Şərq musiqisi”pedaqoji kurslarının da açılması nəzərdə tutulmuşdur.
    Azərbaycan SSR-nin Mədəniyyət İdarəsinin rəhbəri tanınmış bəstəkar M. Maqomayev “Şərq musiqisi” fakültəsini Konservatoriyadan ayırıb ona müstəqil status vermək məqsədilə 1922-ci ilin aprelin 22-də “Şərq Konservatoriyası”yaradılması haqqında əmr və göstəriş verir. Adı çəkilən Konservatoriyaya rəhbərlik Ü. Hacıbəyova tapşırılır. Lakin Narkomprosun Kollegiyasının qərarı ilə 1922-ci il 29 Avqust-da Azərbaycan Dövlət Türk Musiqi Texnikumu yaradılır və onu Musiqi texnikumu və ya Şərq Konservatoriyası adlandırırlar.
    ADTMT-nun rəhbəri olan Ü. Hacıbəyov dövrün tanınmış sənətkarlarını və Rusiyada tanınmış musiqi kadrlarını Bakıya dəvət etməklə Azərbaycanda peşəkar musiqiçilərin yetişdirilməsi üçün əlverişli şərait yaradır və milli musiqi təhsili sistemini mükəmməl şəkildə qurmağa nail olur.
    Ü. Hacıbəyov Azərbaycanda qabaqcıl Qərb və rus musiqi nailiyyətlərinin milli musiqi təhsili sisteminə inteqrasiyasını təmin etməklə az bir zamanda milli musiqimizi təmsil edən görkəmli bəstəkarların, peşəkar ifaçıların, xanəndələrin yetişməsinə nail oldu.
    Azərbaycanda milli vokal sənətinin elmi-praktiki inkişafı vokal məktəbinin banisi Büibülün adıyla bağlıdır.
    Azərbaycan Vokal məktəbinin inkişafı milli vokal folklorunun toplanması və öyrənilməsi işi ilə sıx əlaqədardır. Bu məqsədlə 1932-ci ildə Elmi-tədqiqat Musiqi Kabineti təsdiq edilir.
    Böyük Bülbülün təşəbbüsü ilə yaradıcılıq ekspedisiyaları təsdiq olunmuş və kabinetdə zəngin folklor materialları toplanmışdır. Zakir Bağırov, Fikrət Əmirov, Səid Rüstəmov və digər bəstəkarlar ekspedisiyalara cəlb olunaraq xalq mahnılarını toplamış və nota salmışlar.
    1939-cu ildə Ü. Hacıbəyov Azərbaycan Dövlət Konservatoriyasının rektoru vəzifəsinə təyin olundu. Onun rəhbərliyi ilə xalq çalğı alətləri üçün proqramlar müzakirə olunmuş və qəbul edilmişdir. Xalq musiqimizin inkişafında əvəzsiz xidmətləri olan tarzənlər Əhməd Bakıxanov, Əhsən Dadaşov, Baba Salahov, Bəhram Mansurov, Ağası Məşədibəyov, Səid Rüstəmov məktəbin layiqli nümayəndələridir.
    Bu gün də onların ustadlıq ənənələri qorunub saxlanılır, təkmilləşir və milli musiqi kadrlarının yetişdirilməsində geniş istifadə olunur.
    Ü.Hacıbəyov adına Bakı Musiqi Akademiyası (1995-ci ilə qədər Ü.Hacıbəyov adına Azərbaycan Dövlət Konservatoriyası) 1921- ci ildə yaradılmışdır. Respublikamızın qocaman ali təhsil ocaqlarından olan konservatoriyanın təşkilində dahi bəstəkar Ü. Hacıbəyovun böyük xidmətləri olmuşdur. 20-ci illərdə konservatoriyanın 6 şö’bösi var idi: fortepiano, vokal, orkestr, nəzəriyyə, bəstəkarlıq və şərq şö’bösi. 1930-1970-ci illərdə
    Konservatoriyada əsas baza kafedraları tam şəkildə formalaşmışdı: ixtisas fortepiano, azərbaycan xalq musiqisinin tarixi və nəzəriyyəsi, simli alətlər, nəfəs və zərb alətləri, vokal, bəstəkarlıq, musiqi tarixi, musiqi nəzəriyyəsi, xor dirijorluğu, xalq çalğı alətləri, kamera ansamblı. Azərbaycan musiqi mədəniyyətinin inkişafında BMA-nın müstəsna rolu vardır. Müxtəlif illərdə akademiyada tanınmış musiqiçilər, bəstəkarlar, pedaqoqlar - Ü. Hacıbəyov, Bülbül, Ş.Məmmədova, B.Karaqiçeva, Q.Şaroyev, L.Rudolf, L.Rastrapoviç, Q.Qarayev, S.Hacıbəyov, C.Cahangirov, S.Rüstəmov, P.Brener, R.Atakişiyev, E.Səfərova və b. işləmişdir.
    Hal-hazırda akademiyanın müəllimləri arasında C.Hacıyev, A.Məlikov, T.Quliyev, X.Qasımova, S.Ələsgərov, X.Mirzəzadə, F.Bədəlbəyli, V.Adıgözəlov, A.Rzayev, A.Babayev, R.Quliyev və başqa görkəmli musiqiçilər fəaliyyət göstərir. Hal-hazırda BMA-da 19 kafedranı birləşdirən 4 fakultə mövcuddur: fortepiano, ifaçılıq, tarix və nəzəriyyə, İAF. Təhsil Azərbaycan və rus dillərindədir.
    İxtisaslar
    fortepiano
    orqan, klavesin
    skripka
    violo
    violonçel
    kontrabas
    fleyta
    qoboy
    klarnet
    faqot
    valtorna
    truba
    trombon
    tuba
    arfa
    zərb alətləri
    tar, kamança
    klassik vokal
    xanəndəlik
    musiqişünaslıq
    bəstəkarlıq
    dirijorluq

    BMA-nın nəzdində opera studiyası, onbirillik məktəb-studiya, kitabxana, səsyazma kabineti, tələbə elmi cəmiyyəti, iki elmi laboratoriya (“Qədim musiqi alətlərinin bərpası və təkmilləşməsi” və “Şifahi ən’ənəli Azərbaycan musiqisinin tədqiqi problemləri"), aspirantura şö’bəsi, ixtisasartırma fakültəsi vardır. 1991-ci ildən BMA-nın Şuşa filialı fəaliyyət göstərir. Akademiyada hal-hazırda 315 müəllim, o cümlədən 7 elmlər doktoru, 49 professor, 52 dosent, 58 elmlər namizədi işləyir. BMA-da Mülki Müdafiə kursu fəaliyyət göstərir. BMA zəmanəmizin bir çox ali musiqi təhsili ocaqları ilə səmərəli əlaqələr yaratmışdır. BMA-nın mə’zunları tə’yinatla Mədəniyyət və Təhsil Nazirliyi sisteminə göndərilir

Информация о теме

Пользователи, просматривающие эту тему

Эту тему просматривают: 1 (пользователей: 0 , гостей: 1)

Ваши права

  • Вы не можете создавать новые темы
  • Вы не можете отвечать в темах
  • Вы не можете прикреплять вложения
  • Вы не можете редактировать свои сообщения
  •  
Рейтинг@Mail.ru ILK-10 Azeri Website Directory