Показано с 1 по 3 из 3

Тема: Ceyhun Mirzəyev

  1. #1
    İncəsənət xadimi Аватар для Elvin
    Регистрация
    11.06.2007
    Адрес
    Israel / Tel Aviv
    Сообщений
    789
    Спасибо
    76
    Thanked 122 Times in 60 Posts

    Ceyhun Mirzəyev



    Doğum Tarixi 9 Aprel 1946 (1946-04-09) (yaş 62)
    Doğum Yeri Ağdam, Abdal-Gülablı kəndi
    Ölüm Tarixi 1994


    Ceyhun Mirzəyev 9 aprel 1946-cı ildə Ağdamın Abdal-Gülablı kəndində anadan olub. Azərbaycan Dövlət İncəsənət İnstitutunun rejissorluq fakültəsini bitirib. Moskvada da təhsil alıb. Onun 48 illik ömrünün 35 ilə yaxını kino ilə bağlı olub. Çünki “Görüş” filmində Şıxəlinin oğlunun obrazını yaradanda cəmi 11 yaşı var idi. On iki yaşı olanda isə “Ögey ana”ya dəvət almışdı. Ceyhun Mirzəyev kinostudiyada müxtəlif peşələrdə çalışıb. Assistent də olub, rejissor köməkçisi də işləyib, aktyorluq da edib, üstəlik rejissor kimi filmlər də çəkib. “Mozalan” satirik kinojurnalı üçün süjetlər çəkib. “Mozalan”-ın bədii rəhbəri olub. Ceyhun Mirzəyev həm də güclü parodiyaçılıq qabiliyyətinə malik olub. Belə ki, o, bir dəfə söhbət etdiyi adamın səsini, danışıq formasını o dəqiqə yamsılamağı bacarırmış. Hətta “Mozalan”nın başlığında səslənən vızıltı səsi də ona məxsus olub. Ceyhun Mirzəyevin son filmi “Fəryad” olub. Özü bu filmini görə bilmədi. Amansız ölüm ona imkan vermədi ki, heç olmasa filmin premyerasında iştirak etsin. Studiyada çəkiliş vaxtı özünü pis his edən Ceyhun evə güclə çatdırıldı. O, 1994-cü ildə vəfat edib.
    Sairem var sozum alemde menim xar olmaram
    El-ayaqdan olaram men dili bimar olmaram

    Elcin Mastagali

  2. #2
    VIP Аватар для Seymur
    Регистрация
    12.06.2007
    Адрес
    Israel Akko
    Сообщений
    4,802
    Спасибо
    0
    Thanked 36 Times in 29 Posts
    Elvin sagol
    [Only registered and activated users can see links. ]

  3. #3
    Аватар для Amit
    Регистрация
    07.09.2007
    Сообщений
    7,766
    Спасибо
    2,057
    Thanked 2,406 Times in 1,165 Posts


    Ceyhun Mirzəyev

    Onu hamı tanıyırdı. Çoxları İsmayıl deyə çağırırdılar. İlk böyük işi də, son işi də İsmayıl oldu. Biri “Ögey ana”da, o biri isə “Fəryad”da. “Fəryad”ı tamamlamışdı. Çox az iş qalmışdı. Bir az montajdan, bir az da səsləndirmədən. Günlərin birində eşitdik ki, Ceyhun ürək tutmasından keçinib.
    Bu elə vaxt idi ki, müharibə davam edirdi. Cəbhədən hər gün onlarla igid oğlanlarımızın tabutu gətirilirdi. Ceyhun isə “Fəryad”la vuruşurdu. Ürəyi dözmədi. O da şəhid oldu. Sözün əsil mənasında Şəhid. Amma sağ olsun filmin ssenari müəllifi Vaqif Mustafayevi. “Fəryad”ı tamamladı, heç özünü rejissorluğa şərik də etmədi.
    İnanmaq olmaz ki, Azərbaycanda “Ögey ana” filminə baxmayan olsun. 9 yaşlı İsmayılın şıltaq obrazını oynayan Ceyhun Mirzəyev Azərbaycan kinosunda şedevr yaratdı. Kim deyərdi ki, Ceyhun aktyor kimi İsmayılı ifa edir. O özünü oynayırdı, çevikliyi də var idi, küsməkliyi də, dəcəlliyi də. Ceyhunun bu filmə düşməsi bəlkə də təsadüf deyildi. Çünki üç il əvvəl Tofiq Tağızadənin “Görüş” filmində balaca bir epizodda çəkilmişdi. Amma bu İsmayıl özgə bir aləm idi. Kinoçular da, tamaşaçılar da bu balaca aktyorun istedadına məəttəl qalmışdılar. İllərlə aktyor təhsili alıb, adi cizgiləri verməyi bacarmayan aktyorlar ibrət götürə bilərdilər İsmayılın yaradıcılığından. Doğrusu, rejissor Həbib İsmayılovun onunla necə işlədiyi barədə məlumatım yoxdur. Amma elə bilirəm ki, o həmişə Ceyhunu sərbəst buraxıb, “necə istəyirsən, oyna”, deyib. Çünki bu balaca dəcəl ekran qanunlarından bəzən kənara çıxır, hətta ssenaridə olmayan elementlərlə filmə xüsusi görüntülər gətirir. Ağlayanda da özüdür, güləndə də. Heç onun kədərli olduğu anlardakı sifət cizgilərinə fikir vermisinizmi? Bu doğrudan da ilahi bir istedaddır. Bəlkə də “Ögey ana”nın Ceyhunu Azərbaycan kinosunda ən uğurlu aktyor seçimi idi.
    Sonra illər ötüşdü. “Mateo Falkone”də göründü, “Yenilməz batalyon”da arabanı mənzilə çatdırmağa can atdı. Və 1970-ci ildə Hüseyn Seyidzadə onu “Dəli Kür”də Osman rolunda çəkdi. Püxtələşmişdi, böyümüşdü. Arzusu rejissor olmaq idi Ceyhunun. İncəsənət İnstitutunda rejissorluq təhsili də aldı.
    Amma o filmlərini hələ bir az sonra çəkəcək. Ekranlarımıza mərhum rejissor Teymur Bəkirzadənin “İşgüzar səfər” filmi çıxarılanda Ceyhun artıq studiyada işləyirdi. “Mozalan” satirik kinojurnalının bədii rəhbəri idi. Yüzlərlə “Mozalan” süjetlərinə quruluş vermişdi. Bir-birindən maraqlı və kəsərli süjetlər idi. Ceyhunun rejissorluğunda bir yumşaq komizm var. Onun süjetlərinə tamaşa edənlər uzun müddət filmin təsirində olurlar. Burada hər şey bütöv olardı. Ümumiyyətlə, yarımçıq işi xoşlamazdı. Bircə, “Fəryad”ı yarımçıq qaldı. Ceyhun Mirzəyev zamanın, dövrün nəbzini tutmağı bacaran rejissor idi. Aktyor kimi oynadığı rolların hər birində onun öz şəxsi keyfiyyətləri var. Məsələn, xeyirxahlıq, çılğınlıq, sözünə bütövlük və s. Onun rolları tamaşaçını həmişə düşündürüb, təsirləndirib. Kinorejissor Vaqif Mustafayev Ceyhunu “Yaramaz”da çəkmişdi. Burada isə aktyor kimi o tamam yeni bir ampluadadır. Onun qəhrəmanı tədbirli, sakit və mülayim insandır.
    Bu gün müharibə mövzusunda çəkilən ən dəyərli ekran əsərlərimizdəndir “Fəryad”. Görünür, o bu ağrılara tab gətirə bilmədi. Çünki çəkiliş vaxtı yaratdığı situasiyalar o qədər təbii alınırdı ki, istər-istəməz həm rejissor, həm də aktyor kimi o ağrıları çəkməli olurdu. Bəli, “Fəryad” Ceyhunun son yaradıcılıq işi oldu. Ceyhun haqqında o qədər xoş xatirələr var ki, onlar qalaq-qalaq kitablara sığmaz.


    Menbee: azeriart

Информация о теме

Пользователи, просматривающие эту тему

Эту тему просматривают: 1 (пользователей: 0 , гостей: 1)

Ваши права

  • Вы не можете создавать новые темы
  • Вы не можете отвечать в темах
  • Вы не можете прикреплять вложения
  • Вы не можете редактировать свои сообщения
  •  
Рейтинг@Mail.ru ILK-10 Azeri Website Directory