Sözümüz sözdür” yarışmasının iştirakçısı: "Meyxanaçının yaxşı sözü, həm də gözəl səsi olmalıdır".

“Sözümüz sözdür” - hər həftənin cümə axşamı, saat 22:15-də, “Space” TV-də.

[Only registered and activated users can see links. ]

“Space” telekanalında yayımlanan, meyxanaçılar AğamirzəMehman Əhmədlininin rəhbərlik etdiyi komandaların yarışdığı “Sözümüz sözdür“ meyxana yarışmasının 2-ci turu davam edir. Qeyd edək ki, “Sözümüz sözdür“ meyxana yarışmasının baş münsifi şair Əvəz Qurbanlıdır.

Noyabırın 3-də Mehman Əhmədlinin “Flaqman” komandasından “10” nömrəli iştirakçısı Elməddin Avaz,Ağamirzənin “Birincilər“ komandasında yer alan “3” nömrəli meyxanaçı Ehtiram Sumqayıtlı ilə üz–üzə gələcək.

Duel öncəsi, digər həmkarlarından gözəl avazı və səsi ilə seçilən Elməddin Avazla həmsöhbət olmağı qərara aldıq.

Elməddin, “Avaz” təxəllüsünü sənə kim verib?

- Meyxanaya başladığım ilk illərdə digər meyxanaçı həmkarlarımdan məhz avazımla seçilirdim. Sonradan məni tanıyan hər kəs “Avaz” deyə çağırmağa başladı. Son zamanlar musiqili meyxanalar dəb halını alıb. Bu gün mən musiqili meyxana deyənlər arasında liderəm, desəm, yanılmaram.


- Musiqidən söz düşmüşkən, meyxanaçıların bir qismi mahnı oxumağa başlayıblar. Bu hallar meyxana aləmində necə qəbul olunur?



Klassik meyxanaya musiqini 90–ci illərin əvvəllərində Nizami Rəmzi gətirdi. Buna görə də tənqidlərə məruz qaldı. Amma sonralar yaratdığı əsərlər xalqın qəlbinə yol tapmaqla, özünün doğru olduğunu sübut etdi. Əslində meyxanaçıların mahnı oxumağında bir qəbahət yoxdur. Burada əsas məqsəd musiqi vasitəsi ilə tamaşaçıya söz çatdırmaqdır. Söz yenə də birinci plandadır. Musiqi isə sözə daha da gözəllik qatır. Amma bu gün səsi olmadığı halda, musiqili meyxanaya can atanlar da çoxdur. Nəticədə isə belələrinin ucbatından sənət gözdən düşür.

- Bu sənətə yiyələnmək üçün xususi kurslar varmı?

Meyaxana daxildən gələn bir istedaddır. Bu sənəti hansısa kurslar keçməklə öyrənmək olmaz. Əgər sənin söz demək qabilliyətin varsa, ustadlara müraciət edib, sənətin sirlərinə yiyələnə bilərsən. Amma müraciət edərkən, seçimi düzgün etmək lazımdır. Hər özünə "ustad" deyəndən məsləhət almaq olmaz. Təməl səhv qoyularsa, sonda uğursuzluqla üzləşə bilərsən. Mənim meyxanaçı kimi püxtələşməyimdə Mehman Əhmədlinin böyük rolu olub. Bu səbəbdən də ona öz təşəkkürümü bildirirəm.

Meyxana təkcə Abşerona məxsusdur. Bu fikirlə razısınız?

- Meyxananın kökü Abşerona məxsus olsa da, sonralar vətənmizin digər bölgələrinə də yayıldı. Mən əslən Ağdam rayonunun Seyidli kəndindən olsam da, bugunkü gündə Abşeron meyxanaçılarından heç də geri qalmıram. Amma özündə istedad görən rayon meyxanaçısı mütləq şəhərə üz tutub, burada püxtələşməlidir.

- Hal-hazirkı “Sözümüz sözdür” yarışmasında kimi özünüzə rəqib görürsünüz?

- Firdovsi Əhmədli mənim üçün kifayət qədər ciddi rəqib idi. O da artıq yarışmanı tərk edib. Qalan iştirakçılar içində təhlükəli rəqibim yoxdur. Oktyabırın 3-də yayımlanacaq verilişdə mən bir daha bunu sübut edəcəyəm.