spacer.png, 0 kB
Google axtarışı




Friends activity
Навигация
spacer.png, 0 kB
spacer.png, 0 kB
Səhifəmizi bəyənirsinizsə, dostlarınıza məsləhət görün və bizi "LİKE" edin



Böyük səhv

Müəllif:

Neyçün o gözəl,mehriban anlar düşüb itgin?
Gizlətmə,sözün düznü de,könlüm narahatdı.
Bax gözlərimə,söylə,ürəkdəndimi sevgin?
Sus,vermə cavab,gözlərin artıq səni satdı.

Satdı səni,çün aynasıdır qəlbin o gözlər,
Sən nöqsanı gözlərdə deyil,axtar özündə.
Zahirdə məni sevdiyini söylər o üzlər,
Daxildəki hisslər çıxar aşkarə gözündə.

Kimdir səni məcbur eləyən qalmağa,çıx get,
Guya mənə rəhminmi gəlir,ey daş ürəkli?
Bir şəklimizi saxla,qalan hər şeyi məhv et,
Sil xatirələrdən məni,yandırma o şəkli.

Çünki o şəkil keçmişinə baxmaq üçündür,
Sən orda tamam başqa idin,yadına sal bir.
Bax,söylə,nədən mən deyişildim,bu nə gündür?
Kim əhdə dönük çıxmağıma eylədi təsir?

Tapsan bu suallarə cavab,dərk eləyərsən,
Ki,əsl məhəbbət nə deməkdir bu həyatda.
Bir gün yenə mənlə keçən anlar diləyərsən,
Yetməz yerinə bir də həmin arzu həyatda.

Çünki səni qəbul eləməz bir daha qəlbim,
Sevməz səni əvvəlki məhəbbətlə,həvəslə.
Dözməz hər əzaba sənə xatir daha qəlbim,
Azadlığı gördükdə barışmaz o qəfəslə.

Get,bil ki,səni sevdiyimə peşmanam indi,
Əfsus ki,yolunda özümü mehv elədim mən.
Öz sevgimə,öz hisslərimə düşmanam indi,
Allah,məni əfv et,nə böyük səhv elədim mən.


spacer.png, 0 kB
spacer.png, 0 kB
spacer.png, 0 kB
spacer.png, 0 kB
MEYXANA.NET
spacer.png, 0 kB