spacer.png, 0 kB
Google axtarışı




Friends activity
Навигация
spacer.png, 0 kB
spacer.png, 0 kB
Səhifəmizi bəyənirsinizsə, dostlarınıza məsləhət görün və bizi "LİKE" edin



Neyləsin?

Müəllif:

Zülm elədi sevgili-afət mənə,
Qəlb fəğan eyləməsin,neyləsin?
Eylədi dostum da xəyanət mənə,
Sinəmi qan eyləməsin,neyləsin?

Bivəfa insanlaradır sözlərim,
Zülmət olub nur dolu gündüzlərim,
Yollara nakam dikilən gözlərim,
Yaşı rəvan eyləməsin,neyləsin?

Çərxi-fələk dərdə düyünlər məni,
Olsa könül həmdəmi,dinlər məni,
Tenha ömür,qem dolu günlər məni,
Tərki-cahan eyləməsin,neyləsin?

Fikrim uzaqlarda gəzir həmdəmi,
Başdan alır əqlimi hicran dəmi,
Fikrü-xəyallarımı yarın qəmi,
Kövnü-məkan eyləməsin,neyləsin?

Sevgiyə xatir doğulan arzular,
Sonra xəyal tək dağılan arzular,
Qəm dənizində boğulan arzular,
Könlü viran eyləməsin,neyləsin?

Qəlbimin itmişsə qəm ortağları,
Titrədər əfqanı bütün dağları,
Yar ilə bahəm o gözəl çagları,
Zənnü-güman eyləməsin,neyləsin?

Allah,özün ol Raufa sayə sən,
Saxla günahlarını üqbayə sən,
Saldın onu bir dəli sevdayə sən,
Bilmir o da neyləməsin,neyləsin?


spacer.png, 0 kB
spacer.png, 0 kB
spacer.png, 0 kB
spacer.png, 0 kB
MEYXANA.NET
spacer.png, 0 kB